تازہ ترین
  • بریکنگ :- کوئٹہ اورلسبیلہ کےعلاوہ بلوچستان کے 32اضلاع میں بلدیاتی الیکشن آج ہوں گے
  • بریکنگ :- بلدیاتی انتخابات کےلیےبیلٹ پیپرزاورانتخابی میٹریل کی ترسیل کاعمل مکمل
  • بریکنگ :- پولنگ صبح 8بجےسےشام 5بجےتک بغیرکسی وقفےکےجاری رہےگی
  • بریکنگ :- کوئٹہ:7 میونسپل کارپوریشن،838یونین کونسلزمیں پولنگ ہوگی
  • بریکنگ :- کوئٹہ:5ہزار345دیہی وارڈاور9ہزار14شہری وارڈکےلیےپولنگ ہوگی
  • بریکنگ :- کوئٹہ:35لاکھ52ہزار298ووٹرز اپنا حق رائے دہی استعمال کریں گے
  • بریکنگ :- کوئٹہ:20لاکھ 6ہزار274مرداور15لاکھ46ہزار124خواتین ووٹرزہیں
  • بریکنگ :- کوئٹہ:32اضلاع میں 5ہزار226پولنگ اسٹیشنزقائم
  • بریکنگ :- کوئٹہ:2ہزار54پولنگ اسٹیشنزانتہائی حساس،ایک ہزار974حساس قرار
  • بریکنگ :- الیکشن میں16 ہزار195امیدوارمدمقابل،102 امیدواربلامقابلہ منتخب
  • بریکنگ :- کوئٹہ:پولنگ اسٹیشنزپرپولیس،لیویزاورایف سی کےجوان تعینات ہوں گے

پی کے 63 کے 6 ہزار ووٹ غائب ہیں: پی ٹی آئی امیدوار عمر کاکاخیل کا دعویٰ

Published On 22 February,2021 12:32 pm

پشاور: (دنیا نیوز) پی ٹی آئی امیدوار عمر کاکاخیل نے دعویٰ کیا کہ پی کے 63 کے 6 ہزار ووٹ غائب ہیں، تصدیق شدہ فارم 46 میں واضح فرق ہے، 6 ہزار ووٹوں کا کوئی ریکارڈ نہیں۔

تحریک انصاف کے امیدوار عمر کاکا خیل نے الیکشن کمیشن سے رجوع کرنے کا فیصلہ کرلیا۔ انہوں نے کہا کہ واضح اور نا قابل تردید ثبوت الیکشن کمیشن میں پیش کئے جائیں گے۔ ذرائع کے مطابق امیدوار آج قانونی ٹیم کے ہمراہ الیکشن کمیشن پہنچیں گے۔

یاد رہے گزشتہ روز وزیر دفاع پرویز خٹک کا کہنا تھا کہ نوشہرہ الیکشن میں جو ہوا، اس کا نتیجہ جلد سامنے آ جائے گا، الیکشن کمیشن جائیں گے، ثابت کریں گے کہ بہت بڑا گھپلا ہوا ہے۔ انہوں نے کہا کہ خیبر پختونخوا کے حلقہ نوشہرہ پی کے 63 میں دھاندلی سے الیکشن جیتا گیا، ہمیں دھاندلی کے ثبوت مل گئے ہیں۔

پرویز خٹک نے دعویٰ کیا کہ مسلم لیگ (ن) نے 6 ہزار جعلی ووٹ ڈالے، ان ووٹوں کا کوئی ریکارڈ نہیں ہے، تمام لسٹیں چیک کیں، ووٹوں کی چوری کی گئی، 2 روز میں لسٹیں چیک کیں تو ان کی چوری پکڑی گئی، تمام ثبوتوں کو عوام کے سامنے رکھا جائے گا، مجھ سے کوئی نہیں جیت سکتا۔