تازہ ترین
  • بریکنگ :- (ن) لیگ میں مشاورت سےفیصلےہوتےہیں،شہبازشریف
  • بریکنگ :- نوازشریف میرےقائدہیں،ہربات میں ان سےمشاورت کرتاہوں،شہبازشریف
  • بریکنگ :- ہم سیاستدان آلہ کاربنےہیں،اس حمام میں سب ننگےہیں،شہبازشریف
  • بریکنگ :- ہمارےملک میں سیاستدان بھی استعمال ہوئے،شہبازشریف
  • بریکنگ :- پرویزمشرف نےمجھےوزیراعظم بنانےکی پیشکش کی تھی،شہبازشریف
  • بریکنگ :- غلام اسحاق خان نےبھی مجھےوزیراعظم بننےکی پیشکش کی تھی،شہبازشریف
  • بریکنگ :- حکمت عملی بناتےتونوازشریف چوتھی باروزیراعظم ہوتے،شہبازشریف
  • بریکنگ :- جتنی سپورٹ عمران خان حکومت کوملی اتنی کسی کونہیں ملی،شہبازشریف
  • بریکنگ :- اتنی سپورٹ کےباوجودحالات خراب ہیں،شہبازشریف
  • بریکنگ :- کارگل معاملےپرنوازشریف کوکہامشرف کوامریکالےجائیں،شہبازشریف
  • بریکنگ :- ایک دوست نےمشرف کوامریکالےجانےکی مخالفت کی،شہبازشریف
  • بریکنگ :- ہمیں جیلوں میں ڈالنےکافیصلہ فردواحدمشرف کاتھا،شہبازشریف
  • بریکنگ :- 2 بارنیب کامہمان بن چکاہوں،شہبازشریف
  • بریکنگ :- عمران خان کابس چلےتومجھےدوبارہ گرفتارکرالیں،شہبازشریف
  • بریکنگ :- مجھ پرجوسختیاں کی گئیں ان سےمیری سوچ نہیں بدلی،شہبازشریف
  • بریکنگ :- ہم یہ نہیں کہہ رہےہم فرشتےہیں،ہم سےبھی غلطیاں ہوئیں،شہبازشریف
  • بریکنگ :- ماضی کی غلطیوں سے سیکھ کرآگےبڑھناچاہیے،شہبازشریف
  • بریکنگ :- ہمیں ملک کیلئےذاتی اناکوختم کرناچاہیے،شہبازشریف
  • بریکنگ :- آئیں ماضی کی تلخیوں کوختم کریں،شہبازشریف
  • بریکنگ :- میرےاستعفےکی خبریں جعلی ہیں،منظرعام سےغائب نہیں ہوا،شہبازشریف
  • بریکنگ :- حکومت بتائےڈاکٹرطاہرشمسی کوکراچی سےکس نےبلایا،شہبازشریف
  • بریکنگ :- تمام اپوزیشن جماعتوں کوساتھ لےکرچلناچاہتاہوں،شہبازشریف
  • بریکنگ :- بجٹ سےپہلےتمام اپوزیشن رہنماؤں کواکٹھاکیا،عشائیہ پربلایا،شہبازشریف
  • بریکنگ :- پی ڈی ایم بنی توجیل میں تھا،جب ٹوٹی توبھی جیل میں تھا،شہبازشریف

کشمیری عوام حق خود ارادیت کی تحریک جاری رکھنے کیلئے پرعزم ہیں: سردار مسعود خان

Published On 14 March,2021 05:42 pm

اسلام آباد: (اے پی پی) آزاد جموں وکشمیر کے صدر سردار مسعود خان نے کہا ہے کہ بھارت کے ظلم و جبر، وحشت و درندگی اور اس کی رجوعیت پسندی کے باوجود مقبوضہ جموں وکشمیر کے عوام اپنی آزادی اور حق خود ارادیت کی تحریک جاری رکھنے کے لئے پرعزم ہیں، وہ دن اُن کی زندگی میں ضرور آئے گا جب حق وسچ کی فتح ہو گی اور ناحق ظلم کرنے والے مجرموں کے کٹہرے میں کھڑے کیے جائیں گے۔

سویڈن کے وی ڈیم انسٹیٹیوٹ کی تازہ رپورٹ پر تبصرہ کرتے ہوئے صدر سردار مسعود خان نے کہا کہ رپورٹ میں واضح طور پر کہا گیا ہے کہ بھارت اب کسی بھی اعتبار سے ”انتخابی جمہوریت“ نہیں بلکہ ”انتخابی آمریت“ بن چکا ہے۔

صدر آزادکشمیر نے کہا کہ بھارت میں میڈیا پر ناروا پابندیاں، اقلیتوں اور سول سوسائٹی کے ساتھ امتیازی سلوک نئی بات ہو سکتی ہے لیکن مقبوضہ جموں وکشمیر کے عوام گزشتہ ستر سال سے بھارت کے اس بد نما اور مکروہ چہرے سے پوری طرح واقف ہیں جہاں اس کی قابض فوج آزادی اور حق خودارادیت کا جائز اور جمہوری مطالبہ کرنے والے بے گناہ شہریوں کو قتل کر کے انہیں گمنام قبروں میں دفن کر رہی ہے، خواتین کے خلاف جنسی تشدد کو جنگی ہتھیار کے طور پر استعمال کر رہی ہے اور نوجوانوں کو اغوا کر کے انہیں جیلوں اور حراستی کیمپوں میں بدترین تشدد کا نشانہ بنا کر آزادی اور حق خودارادیت کا مطالبہ کرنے سے باز رہنے پر مجبور کر رہی ہے۔ ہمیں انتظار ہے کہ دنیا کے سامنے بھارت کا وہ چہرہ کب سامنے آئے گا جس کو کشمیری سات دہائیوں سے دیکھ رہے ہیں۔

انہوں نے کہا کہ قدرت کشمیریوں پر مہربان ہے کیونکہ وہ نریندر مودی اور اُس کے انتہاء پسند حکومتی ٹولے سے وہ کام کروا رہی ہے جن کی وجہ سے مقبوضہ جموں وکشمیر میں دنیا کی نظروں سے اوجھل غیر انسانی مظالم پر پڑا پردہ آہستہ آہستہ سرکتا جا رہا ہے۔ انہوں نے کہا کہ عالمی برادری کو اب یہ احساس ہوتا جا رہا ہے کہ ہندوتوا کے انتہاء پسندانہ نظریے پر قائم نریندر مودی کی حکومت اور اس کی پالیسیاں صرف جنوبی ایشیاء کے مسلمانوں کیلئے نہیں بلکہ پورے عالم انسانیت کے لئے ایک سنگیں خطرہ ہیں۔

انہوں نے کہا کہ مقبوضہ جموں وکشمیر کے عوام بھارتی استعماریت کا مقابلہ پوری بہادری اور استقامت کے ساتھ کر رہے ہیں اور انشا اللہ وہ دن دور نہیں جب اُن کی جدوجہد کے نتیجے میں ظلم کی سیاہ رات سے صبح آزادی طلوع ہو گی۔