تازہ ترین
  • بریکنگ :- آگ خیبرپختونخواکےجنگلات سے بلوچستان کی حدود میں پہنچی،بریفنگ
  • بریکنگ :- کوئٹہ: آگ 6 ایکڑرقبے پر محیط جنگلات تک پھیل چکی ہے، بریفنگ
  • بریکنگ :- آگ سے جنگلات اورجنگلی حیات متاثر ہورہے ہیں، بریفنگ
  • بریکنگ :- آگ بجھانےمیں پاک فوج، ایف سی، پی ڈی ایم اےحصہ لےرہےہیں، بریفنگ
  • بریکنگ :- وزیراعلیٰ بلوچستان کوشیرانی کےجنگلات میں آگ پرقابوپانےکےاقدامات پربریفنگ

اظہار تشکر: مریم نواز کی جانب سے پی ڈی ایم رہنماؤں کے اعزاز میں ناشتے کا اہتمام

Published On 26 March,2021 10:52 am

لاہور: (دنیا نیوز) مسلم لیگ ن کی نائب صدر مریم نواز کی جانب سے پیشی ملتوی ہونے پر پی ڈی ایم رہنماؤں سے اظہار تشکر کے لئے ناشتے کا اہتمام کیا گیا۔

پی ڈی ایم رہنماؤں نے مریم نواز سے اظہار یکجہتی کے لئے نیب آفس لاہور پہنچنا تھا۔ ناشتے میں شرکت کے لئے پی ڈی ایم جماعتوں کو دعوت دی گئی۔ ناشتے میں مسلم لیگ ن کے رہنما بھی شریک ہوں گے۔

یاد رہے قومی احتساب بیورو (نیب) لاہور نے مسلم لیگ (ن) کی نائب صدر مریم نواز کو آج کے روز طلب کیا تھا، تاہم کورونا وائرس کی صورتحال کے پیش نظر اسے اب ملتوی کر دیا گیا۔

ترجمان نیب کی جانب سے جاری بیان میں کہا گیا کہ نیشنل کمانڈ اینڈ آپریشن سینٹر (این سی او سی) کی ہدایات اور مفاد عامہ کے پیش نظر مریم نواز شریف کی پیشی ملتوی کرنے کا فیصلہ کیا گیا ہے۔ مریم نواز شریف کی پیشی کی نئی تاریخ کا اعلان مناسب وقت پر کیا جائے گا۔