تازہ ترین
  • بریکنگ :- پشاور:سائبرکرائم سرکل ایبٹ آبادکی کارروائی
  • بریکنگ :- پشاور:میٹرک امتحانات کےپیپرلیک کرنیوالے 11 ملزمان گرفتار
  • بریکنگ :- ملزمان نےامتحانی پرچوں کےاسکرین شارٹس حاصل کیے،ایف آئی اے
  • بریکنگ :- ملزمان نےامتحانی پرچوں کےاسکرین شاٹس حاصل کیے،ایف آئی اے
  • بریکنگ :- ملزمان نےواٹس ایپ کےذریعےپیپرزکولیک کیا،ایف آئی اے
  • بریکنگ :- ملزمان میں سرکاری،نجی اسکولوں کےاساتذہ اوردیگرشامل،ترجمان

وزیراعظم کا فردوس عاشق سے ٹیلیفونک رابطہ، سیالکوٹ ضمنی انتخاب میں کامیابی پرمبارکباد

Published On 29 July,2021 02:16 pm

اسلام آباد: (دنیا نیوز) وزیراعظم عمران خان نے معاون خصوصی وزیراعلی پنجاب فردوس عاشق اعوان سے ٹیلیفونک رابطہ کیا اور سیالکوٹ کے ضمنی انتخاب میں تحریک انصاف کی کامیابی پر انہیں مبارکباد دی۔

وزیراعظم عمران خان کا کہنا تھا کہ سیالکوٹ کے حلقے پی پی 38 میں پی ٹی آئی کی کامیابی کیلئے فردوس عاشق اعوان نے اہم کردار ادا کیا، ان کی حلقے میں محنت کے باعث کامیابی ممکن ہوئی۔

قبل ازیں معاون خصوصی برائے اطلاعات پنجاب فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ قوم کو برسوں لوٹنے والے مافیاز کے بت پاش پاش ہو رہے ہیں، چور تبدیلی کی زد میں آکر ریزہ ریزہ ہو گئے، پی ٹی آئی پورے ملک میں چھا گئی، تبدیلی کا سفر جاری ہے۔

ڈاکٹر فردوس عاشق اعوان کا کہنا تھا کہ پی پی 38 کی جیت سے واضح ہوچکا ہے کہ ن لیگ کا پنجاب سے صفایا ہوگیا، وزیراعظم عمران خان اور وزیراعلی عثمان بزدار ملک میں حقیقی تبدیلی لا رہے ہیں، ضمنی الیکشن میں کامیابی دلوانے پر اہل سیالکوٹ اور پی پی 38 کے عوام کا شکریہ ادا کرتے ہیں۔