تازہ ترین
  • بریکنگ :- 24 گھنٹےمیں کوروناکےمزید567 کیس رپورٹ،این سی اوسی
  • بریکنگ :- ملک بھرمیں 24 گھنٹےکےدوران کوروناسےمزید 16 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 344 ہوگئی
  • بریکنگ :- 24 گھنٹےکےدوران 39 ہزار 200 کوروناٹیسٹ کیےگئے،این سی اوسی
  • بریکنگ :- کوروناسےمتاثر1704 مریضوں کی حالت تشویشناک،این سی اوسی
  • بریکنگ :- ملک میں کورونامثبت کیسزکی شرح 1.44 فیصدرہی،این سی اوسی
  • بریکنگ :- ملک بھرمیں کورونامریضوں کی تعداد 12 لاکھ 67 ہزار 393 ہوگئی

خیبرپختونخوا: سی پیک کے تحت پہلے پراجیکٹ رشکئی اکنامک زون میں 95 فیصد کام مکمل

Published On 14 September,2021 10:36 am

پشاور: (دنیا نیوز) سی پیک کے تحت خیبرپختونخوا میں پہلے باضابطہ پراجیکٹ رشکئی اکنامک زون میں 95 فیصد کام مکمل ہوگیا۔ منصوبے سے 2 لاکھ سے زائد نوکریوں کے مواقع پیدا ہوں گے۔

ایک ہزار ایکڑ رقبے پر محیط رشکئی اکنامک زون خیبر پختونخوا حکومت، خیبر اکنامک زونز ڈیویلپمنٹس اینڈ مینیجمنٹ کمپنی اور چینی کمپنیوں کے مشترکہ تعاون سے بنایا جا رہا ہے۔ منصوبے پر تقریباً 95 فیصد کام مکمل ہوگیا ہے۔

رشکئی اکنامک زونز پر کام پر آغاز سال 2017 میں ہوا، منصوبے کو تین مختلف مراحل میں مکمل کیا جائیگا، تکمیل سے 2 لاکھ 50 ہزار نوکریوں کے مواقع پیدا ہوں گے۔ حکام کے مطابق صنعی زون میں ملکی اور غیر ملکی کمپنیوں کی سرمایہ کاری میں گہری دلچسپی سامنے آئی ہے اور اب تک 23 چائینز اور 10 ملکی کمپنیوں کو سرمایہ کاری کی منظوری دی جاچکی ہے۔

زون سے جہاں درآمد و برآمدات میں اضافہ ہوگا وہیں ملک میں نئی ٹیکنالوجی کو بھی فروغ حاصل ہوگا۔ اکنامک زون میں ادویات، ٹیکسٹائل، فوڈ اینڈ بیوریجز، سیمنٹ، اسٹیل اور دیگر انجینئیرنگ سے منسلک کارخانے بنائے جائیں گے۔ صنعتکاروں کا کہنا ہے کہ اکنامک زون اچھا اقدام ہے تاہم چھوٹی انڈسٹری کے فروغ کے لیے بھی اقدامات اٹھائے جائیں۔

صنعی زون میں اب تک ملکی و غیر ملکی کمپنیوں کی جانب سے سرمایہ کاری کے لئے ایک ہزار سے زائد درخواستیں موصول ہوچکی ہیں جبکہ چائینیز اسٹیل مل پر 80 فیصد تک کام مکمل ہوچکا ہے۔