لاہور: (دنیا نیوز) فیاض الحسن چوہان نے کہا ہے کہ 9 اکتوبر کو حکومت اور اپوزیشن میں کرکٹ ٹاکرا ہوگا، اپوزیشن کو ہر میدان میں شکست دیں گے۔
ترجمان پنجاب حکومت فیاض الحسن چوہان نے گورنر ہاؤس میں پیپلزپارٹی کے رہنما علی حیدر گیلانی کے ہمراہ پریس کانفرنس کرتے ہوئے کہا کہ سیاستدان بھی کرکٹ کی بحالی کیلئے کوشاں ہیں، سیاست کا موقع نہیں، کرکٹ کیلئے کوشاں ہیں، اپوزیشن نیٹ پریکٹس بھی کرسکتی ہے۔
فیاض الحسن چوہان کا کہنا تھا کہ اپوزیشن آج سے بادام کھانا اور ورزش شروع کر دے، اپوزیشن کی کرکٹ ٹیم کو نیٹ پریکٹس کی دعوت دیتے ہیں، اپوزیشن کے ساتھ دوستانہ میچ بھی کھیلیں گے، نومبر کے آخر میں میڈیا بمقابلہ پنجاب اسمبلی میچ کرائیں گے۔
