اسلام آباد: (دنیا نیوز) وزیراعظم نے کہا ہے کہ سیالکوٹ کی تاجر برادری کی جانب سے پریانتھا کمارا کی بیوہ کے اکاؤنٹ میں ایک لاکھ ڈالر منتقل کرنے پر سراہتا ہوں۔
وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا کہ راجکو انڈسٹریز کی جانب سے پریانتھا کمارا کی بیوہ کو ماہانہ تنخواہ ملے گی، بیوہ کو 10 سال تک 2 ہزار ڈالر ماہانہ تنخواہ دی جائے گی۔
I want to appreciate the Sialkot business community for transferring $ 100,000 to account of Priyantha Kumara s widow & Rajco Industries for transferring monthly salary of $ 2000 to her account - which they will do for 10 yrs.
— Imran Khan (@ImranKhanPTI) January 18, 2022
خیال رہے گزشتہ روز معاون خصوصی شہباز گل کا کہنا تھا کہ ایک لاکھ ڈالر کے فنڈ اور 1667 ڈالر کی پہلی تنخواہ پریانتھا کی بیوہ کے اکاؤنٹ میں منتقل کر دی گئی، 10 سال تک تنخواہ بیوہ کے اکاؤنٹ میں منتقل کی جاتی رہے گی، فنڈ اور 10 سال تک تنخواہ کا وعدہ کمپنی نے کیا اور اعلان وزیراعظم نے کیا تھا۔
شہباز گل نے اکاؤنٹس کی تفصیلات بھی جاری کیں، جس کے مطابق سیالکوٹ کی بزنس کمیونٹی نے پریانتھا کی بیوہ اور بچوں کیلئے ایک لاکھ ڈالر اکٹھے کئے جبکہ راجکو انڈسٹریز انتظامیہ نے بھی پریانتھاکی تنخواہ ڈالر میں فیملی کو بھجوائی۔ پریانتھا کی موت کے بعد پہلی تنخواہ بینک کے ذریعہ اس کی بیوہ کو ادا کی گئی۔
