اسلام آباد: (دنیا نیوز) وزیراعظم شہباز شریف وزیرستان کے دورے پر روانہ ہو گئے جہاں وہ علاقے میں جاری ترقیاتی کاموں اور امن و امان کی صورت حال کا جائزہ لیں گے۔
بتایا گیا ہے کہ وزیراعظم شہباز شریف کو وزیرستان میں امن وامان کی صورتحال پربریفنگ دی جائےگی، اجلاس میں آپریشن کے بعد پیدا ہونے والی صورتحال کا جائزہ لیا جائےگا۔
شہباز شریف کی قبائلی عمائدین سے بھی ملاقات شیڈول ہے جس کے دوران وزیراعظم عوامی مسائل سے آگاہی حاصل کریں گے۔
