راولپنڈی: (دنیا نیوز) سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ رانا ثناء اللہ کا بیان جلتی پر پٹرول کا کام کر رہا ہے اور سیکڑوں بے گناہوں کو گرفتار کیا جا رہا ہے۔
سماجی رابطے کی ویب سائٹ ٹوئٹر پر اپنے پیغام میں شیخ رشید احمد نے لکھا کہ حکومت سپریم کورٹ کے فیصلوں سے فراری ہے، الیکشن ہی ملک کو خانہ جنگی، انتشار سے بچا سکتا ہے، 90 دن کے بعد نگران سیٹ اپ گھر جائے گا تو لگ پتا جائے گا، انتخاب سے حکومت آئے گی تو باہر سے مدد ملے گی، ورنہ مہنگائی اور قحط مزید ہوگا۔
رانا ثناء اللہ کابیان جلتی پرپیٹرول کاکام کررہا ہےاورسینکڑوں بےگناہوں کوگرفتارکررہاہےحکومت سپریم کورٹ کے فیصلوں سےفراری ہےالیکشن ہی ملک کوخانہ جنگی انتشارسےبچاسکتا ہے90دن کےبعدنگران سیٹ اپ گھرجائےگاتولگ پتاجائےگاانتخاب سےحکومت آئےگی تو باہرسےمددملےگی ورنہ مہنگائی اورقحط مزیدہوگا
— Sheikh Rashid Ahmed (@ShkhRasheed) March 20, 2023
انہوں نے کہا کہ آٹا مفت اور پٹرول سستا سیاسی شعبدہ بازی ہے، رمضان شروع نہیں ہوا اور 20 کلو آٹے کا تھیلا 3100 روپے کا ہوگیا، عظیم اداروں پر پورا اعتماد ہے، دفاعی اثاثے کسی دباؤ میں نہیں آئیں گے، سیاسی کارکنوں کی گرفتاریاں ایوب خان کو نہ بچا سکیں 13 کے ٹولے کو کیا بچائیں گی۔
سابق وزیر کا کہنا تھا کہ زمان پارک پر کوئی احمق ہی چڑھائی اور گرفتاریاں کرسکتا ہے، صرف غریب کا حساب اور احتساب ہو رہا ہے، نہ آئی ایم ایف کی سٹاف لیول میٹنگ ہو رہی ہے نہ دوست ملکوں سے مدد مل رہی ہے۔
صرف غریب کا حساب اور احتساب ہو رہا ہےنہIMFکی سٹاف لیول میٹنگ ہو رہی ہےنہ دوست ملکوں سےمدد مل رہی ہےآج کا اتحادی جماعتوں کا اجلاس انتخاب کرواتا ہےیاملتوی کرواتا ہےیہ اسکا امتحان ہےحالات اتنی تیزی سے بگڑ رہے ہیں آٹے کے ٹرک لوٹے جا رہے ہیں اور طبلچی تک تاوان کے لیے اٹھائے جا رہے ہیں
— Sheikh Rashid Ahmed (@ShkhRasheed) March 20, 2023
سربراہ عوامی مسلم لیگ نے مزید کہا کہ آج کا اتحادی جماعتوں کا اجلاس انتخاب کروانا ہے یا ملتوی کروانا ہے یہ اس کا امتحان ہے، حالات اتنی تیزی سے بگڑ رہے ہیں کہ آٹے کے ٹرک لوٹے جا رہے ہیں، طبلچی تک تاوان کے لیے اٹھائے جا رہے ہیں۔
