حیدرآباد: (دنیا نیوز) ایم نائین موٹر وے نوری آباد کے قریب چھوٹا ٹرک اوور ٹیک کرنے کے دوران حادثے کا شکار ہوگیا جس سے 3 افراد موقع پر ہی جان کی بازی ہار گئے۔
کراچی سے حیدرآباد کو جا رہا چھوٹا ٹرک اوور ٹیکنگ کی کوشش میں آگے جانے والے ٹرک سے ٹکرایا جس سے چھوٹے ٹرک میں سوار 3 افراد موقع پر جاں بحق جبکہ تین افراد زخمی ہو گئے۔
پولیس کے مطابق جاں بحق افراد کی شناخت تاحال نہیں ہو سکی، تینوں افراد کراچی کے رہائشی بتائے جاتے ہیں، حادثے کی اطلاع پر موٹروے اور ضلع پولیس موقع پر پہنچ گئی۔
