اسلام آباد: (دنیا نیوز) نگران وزیراعظم انوارالحق کاکڑ سے ہاؤس آف لارڈز کے رکن لارڈ عامر سرفراز نے ملاقات کی، ملاقات میں تجارت، سرمایہ کاری، ترقیاتی منصوبہ بندی اور دیگر شعبوں میں تعاون کے فروغ پرتبادلہ خیال کیا گیا۔
نگران وزیراعظم نے برطانوی سیاسی نظام، برطانیہ میں مقیم پاکستانیوں کی خدمات کو سراہا، انوارالحق کاکڑ نے کہا برطانیہ میں مقیم پاکستانی تعلقات کو مزید بہتر کرنے میں انتہائی اہم کردار ادا کر رہے ہیں۔
لارڈ عامر سرفراز نے انوار الحق کاکڑ کو وزارت عظمیٰ کا منصب سنبھالنے پر مبارک پیش کی، برطانوی سیاسی قیادت اور برطانیہ میں مقیم پاکستانیوں کی جانب سے مکمل تعاون کا یقین دلایا۔
