پرویزالہٰی کو کسی بھی مقدمے میں گرفتار کرنے سے متعلق نیب کی اپیل ناقابل سماعت قرار

Published On 19 September,2023 05:42 pm

لاہور: (دنیا نیوز) لاہور ہائیکورٹ نے پرویزالہٰی کو کسی بھی مقدمے میں گرفتار کرنے سے متعلق نیب کی اپیل ناقابل سماعت قرار دے دی۔

لاہور ہائیکورٹ میں پرویزالہٰی کو گرفتار کرنے سے روکنے سے متعلق سنگل بینچ کے خلاف اپیل کے معاملہ پر جسٹس علی باقر نجفی اور جسٹس راحیل کامران شیخ پر مشتمل بینچ نے تحریری فیصلہ جاری کر دیا، تحریری فیصلہ 5 صفحات پر مشتمل ہے، تحریری فیصلہ میں کہا گیا نیب کی اپیل ناقابل سماعت ہے۔

جاری فیصلے میں مزید کہا گیا نیب متاثرہ فریق نہیں ہے، سنگل بینچ کے فیصلے میں نیب سے متعلق کوئی خاص ہدایات جاری نہیں کیں، نیب کی اپیل ناقابل سماعت قرار دیکر نمٹائی جاتی ہے، جسٹس علی باقر نجفی کی سربراہی میں دو رکنی بینچ نے اپیل پر فیصلہ سنایا۔
 

Advertisement