احمد پور شرقیہ: تیز رفتار بس الٹ گئی، خواتین اور بچوں سمیت 15 افراد زخمی

Published On 20 November,2023 02:08 am

احمد پورشرقیہ: (دنیا نیوز) احمد پور شرقیہ میں تیز رفتار بس الٹ گئی، خواتین اور بچوں سمیت 15 افراد زخمی ہو گئے۔

مسافر بس کو افسوسناک حادثہ احمد پور شرقیہ میں نیشنل ہائی وے پر پیش آیا جہاں پر بس مسافروں کو لے کر جا رہی تھی کہ تیز رفتاری کے باعث بس بے قابو ہو کر الٹ گئی، جس کے نتیجے میں 15 مسافر زخمی ہو گئے۔

حادثے کی اطلاع ملنے کے بعد ریسکیو ٹیم موقع پر پہنچ گئی اور زخمی ہونے والے افراد کو قریبی ہسپتال منتقل کر دیا جہاں انہیں طبی امداد دی جا رہی ہے، زخمیوں کی حالت خطرے سے باہر بتائی جاتی ہے۔
 

Advertisement