لاہور: (دنیا نیوز) دھند کی وجہ سے موٹر ویز کو مختلف مقامات سے بند کر دیا گیا۔
سید عمران احمد ترجمان موٹروے پولیس کے مطابق موٹروے ایم 4 گوجرہ سے ملتان دھند کی وجہ سے بند کر دی گئی، موٹروے ایم 5 ملتان سے روہڑی تک دھند کے وجہ سے بند کی گئی، موٹروے ایم 1 رشکئی سے برہان تک دھند کے باعث بند کی گئی۔
ترجمان موٹروے پولیس کا کہنا تھا کہ موٹر وے ایم 3 سمندری سے درخانہ تک بند کی گئی، موٹروے ایم 4 گوجرہ سے ملتان تک دھند کی وجہ سے بند کردی گئی، موٹر وے ایم 4 عبدالحکیم سے خانیوال تک بند کی گئی۔
ترجمان موٹر وے پولیس نے مزید بتایا کہ موٹرویز کو عوام کی حفاظت اور محفوظ سفر یقینی بنانے کے لئے بند کیا جاتا ہے، شہری زیادہ سے زیادہ دن کے اوقات میں سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں۔
موٹر وے ترجمان کا کہنا تھا کہ ڈرائیور حضرات آگے اور پیچھے دھند والی لائٹس کا استعمال کریں، عوام غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں۔
