اسلام آباد:(دنیانیوز)رہنما تحریک انصاف حامد خان نے کہا ہے کہ 26ویں ترمیم نے آئین کو مسخ کر دیا ہے۔
دنیا نیوزکےپروگرام’’دنیا مہربخاری کےساتھ‘‘میں گفتگو کرتے ہوئے حامد خان کا کہنا تھا کہ آئی ایم ایف وفد دیکھ رہا ہےعدالتی نظام کا کیا حال ہے۔
انہوں نے کہا کہ 26ویں ترمیم نےآئین کومسخ کردیا ہے جبکہ وکلا تحریک سے پی ٹی آئی کا تعلق نہیں ہے، میں بطوروکیل وکلا موومنٹ میں شریک ہوا، تحریک کامیابی سےجاری ہے۔
رہنما تحریک انصاف کا کہنا تھا کہ سپریم کورٹ کےججز کی تعداد بڑھانا نامناسب ہے، سپریم کورٹ کےججزکی تعداد 17بالکل ٹھیک تھی، رات کےاندھیرےمیں اس طرح کی قانون سازی کی جارہی ہے، ججزکی تعداد بارے وکلا تنظیموں سےبھی مشاورت نہیں کی گئی۔
حامد خان نے کہا کہ ایک ادارہ عدلیہ رہ گیا تھا جسےبرباد کیا جا رہا ہے، جو کچھ ہو رہا ہےعدالتی نظام کو تباہ وبرباد کیا جا رہا ہے، 26ویں ترمیم سےپہلے والا فل کورٹ ہمارا مطالبہ ہے۔
ان کا مزید کہنا تھا کہ پی ٹی آئی کی ساری لیڈرشپ جیل کے اندر ہے، ہم عدلیہ کو آزاد دیکھنا چاہتے ہیں جبکہ بانی پی ٹی آئی خط کے ذریعے کوئی مدد نہیں مانگ رہے اپنا پوائنٹ آف ویو پیش کر رہے ہیں۔
