کوئٹہ: (دنیا نیوز) بلوچستان کابینہ نے ڈیجیٹل لینڈ سیٹلمنٹ کی منظوری دے دی، زمین کا تمام ریکارڈ کمپیوٹرائزڈ ہوگا۔
وزیر اعلیٰ بلوچستان میر سرفراز بگٹی کے زیر صدارت صوبائی کابینہ کا اہم اجلاس ہوا، اجلاس میں کچھی کینال کی زرعی پیداوار پر زمینداروں کو صوبائی ٹیکس میں ریلیف دینے پر اتفاق کیا گیا، بلوچستان واٹر ریسورسز مینجمنٹ بل بھی منظور کر لیا گیا۔
کابینہ نے زرعی ٹیوب ویلوں کی شمسی توانائی پر منتقلی کے لئے موثر قانون نافذ کرنے کا فیصلہ کیا، بلوچستان کابینہ نے ماہی گیری اور آبی زراعت کی نئی پالیسی کی منظوری دے دی، اجلاس میں بلوچستان ڈسپوزل آف موٹر وہیکلز رولز 2025 منظوری دے دی گئی۔
کابینہ اجلاس میں سیلاب متاثرہ کیڈٹ کالج جعفر آباد کی بحالی کے لیے اضافی گرانٹ جاری، کابینہ نے تعلیمی ترقی کے لئے دستیاب انفراسٹرکچر کے بہتر استعمال کو یقینی بنانے کا فیصلہ کر لیا، کابینہ نے فوڈ اتھارٹی لیبارٹری کے قیام کی منظوری دے دی۔
بلوچستان کابینہ نے تحصیل ڈیرہ بگٹی کو اے ایریا قرار دینے کی منظوری دے دی، اجلاس میں محکمہ خوراک کی خریدی گئی گندم کو اوپن مارکیٹ میں فروخت کے لیے کمیٹی تشکیل دے دی گئی۔
کابینہ اجلاس میں جعفر آباد میں دو نئے پولیس سٹیشن قائم کرنے کا فیصلہ، رائٹ ٹو انفارمیشن ایکٹ میں ضروری ترامیم کی منظوری، انسداد دہشت گردی عدالت خضدار کے جج کی تقرری کی منظوری دی گئی۔
بلوچستان کابینہ کے اجلاس میں پبلک ہیلتھ انجینئرنگ ڈیپارٹمنٹ کے لیے 65 ملین کے فنڈز منظور اور ترقیاتی منصوبے تیز کرنے کا فیصلہ کیا گیا۔
