لاہور : (دنیا نیوز) لاہور ہائیکورٹ کے جسٹس چودھری عبد العزیز نے عہدے سے استعفیٰ دے دیا ۔
جسٹس چودھری عبد العزیز نے استعفیٰ صدر پاکستان کو ارسال کردیا۔
استعفیٰ کے متن میں جسٹس چودھری عبدالعزیز نے لکھا کہ نومبر2016 میں بطور جج ذمہ داریاں سنبھالیں، اب تک تقریباً چالیس ہزار سے زائد کیسزنمٹائے۔
انہوں نےمزید لکھا کہ ذاتی وجوہات کی بنا پر مزید کام سر انجام نہیں دے سکتا ، استدعا ہے میرا استعفیٰ منظور کیا جائے۔
ذرائع کا کہنا ہے کہ چودھری عبدالعزیز نے 2033 میں اپنے عہدے سے ریٹائر ہونا تھا تاہم انہوں نے قبل از وقت ہی عہدے سے استعفیٰ دے دیا۔
