کوئٹہ: (دنیا نیوز) وزیر صحت بخت محمد کاکڑ نے ٹراما سینٹر کا دورہ کیا، سانحہ جعفر ایکسپریس حادثے میں زخمی ہونے والے مریضوں کی عیادت کی۔
صوبائی وزیر صحت بخت محمد کاکڑ نے کہاکہ ٹراما سینٹر کوئٹہ میں ابتک 4 زخمی لائے گئے جن کی حالت خطرے سے باہر ہے، وزیر صحت نے ٹراما سینٹر کے دورہ پر ہدایت کی کہ سانحہ جعفر ایکسپریس میں زخمی ہونے والے افراد کو بہتر طبی سہولیات فراہم کی جائیں۔
بخت محمد کاکڑ نے کہا کہ زخمیوں کو بروقت اور بہتر طبی سہولیات کی فراہمی کی خود نگرانی کر رہا ہوں، زخمیوں کے علاج معالجے کیلئے تمام طبی سہولیات بروئے کار لائی جا رہی ہیں۔
صوبائی وزیر صحت نے ہدایت کی کہ سول ہسپتال اور ٹراما سینٹر میں غیر ضروری رش سے اجتناب کیا جائے۔
