اسلام آباد: (دنیا نیوز) سینیٹ کی خالی نشست پر 4 امیدواروں کے کاغذات نامزدگی جمع کرا دیئے گئے جبکہ جانچ پڑتال جاری ہے۔
اس نشست کے لیے پیپلز پارٹی کے امیدوار وقار مہدی الیکشن کمیشن کے دفتر پہنچے، وقار مہدی کے ہمراہ وزیر بلدیات سندھ سعید غنی بھی موجود تھے۔
سینیٹ کی اس سیٹ پر پیپلز پارٹی اور ایم کیو ایم سمیت 4 امیدواروں نے کاغذات نامزدگی جمع کرائے ہیں، چاروں امیدواروں کے کاغذات کی آج جانچ پڑتال کی جائے گی، یہ نشست پیپلز پارٹی کے تاج حیدر کے انتقال کے بعد خالی ہوئی تھی۔
