اسلام آباد: (دنیا نیوز) جناح کا دو قومی نظریہ سچ ثابت ہوگیا، ہندو اور مسلمان ایک ساتھ نہیں رہ سکتے، 41 سال سے بھارت میں مقیم پاکستانی خاتون کو ڈی پورٹ کر دیا گیا۔
بھارتی نیوز ایجنسی اے این آئی کے مطابق بھارتی شہری کے ساتھ شادی شدہ پاکستانی خاتون 41 سال بعد ملک بدر کر دی گئی۔
رپورٹ کے مطابق خاتون اپنی دو بیٹیاں چھوڑنے پر مجبور ہے، خاتون کا پاکستان میں کوئی ٹھکانہ نہیں، بھارت میں گھر و خاندان چھوڑنا پڑ رہا ہے۔
خاتون کا کہنا ہے کہ پہلگام حملے کی اجتماعی سزا ہم سب کو دی جا رہی ہے، حملے سے ہمارا کوئی تعلق نہیں، پھر ہمیں بھارت سے کیوں نکالا جا رہا ہے؟
ادھر بھارت سے پاکستانی شہریوں کی بے دخلی دیکھ کر بھارتی جنونی انتہا پسند انتہائی خوش ہیں۔
واضح رہے اس سے قبل اوڈیشہ پولیس نے گزشتہ 35 سال سے بھارت میں مقیم پاکستانی خاتون شردا بائی کو فوری طور پر ملک چھوڑنے کا حکم دیا تھا، شردا بائی کا ویزا منسوخ کر کے انہیں بھارت چھوڑنے پر مجبور کیا گیا، پولیس نے خبردار کیا ہے کہ اگر انہوں نے حکم کی تعمیل نہ کی تو ان کے خلاف قانونی کارروائی کی جائے گی۔
یہ اقدام کشمیر کے پہلگام میں ہونے والے دہشت گرد حملے کے بعد پاکستان کے خلاف اٹھائے گئے غیر عسکری اقدامات کا حصہ ہے۔
