نئی دہلی: (دنیا نیوز) ماہر انسداد دہشت گردی اجے ساہنی نے کہا ہے کہ پہلگام واقعہ بھارت کی ناکام سکیورٹی پالیسی کا نتیجہ ہے۔
بھارت نے اعتراف کیا ہے کہ پہلگام واقعہ کی وجہ ناکام سکیورٹی پالیسی ہے۔
اجے ساہنی نے کہا کہ پہلگام واقعہ مودی حکومت کی ناکامی ہے، مودی سرکار سیاسی فائدے کیلئے جھوٹا پروپیگنڈا کر رہی ہے، مودی سرکار کے بالاکوٹ اور پلوامہ سے متعلق دعوے بھی جھوٹے ثابت ہوئے۔
ان کا کہنا تھا کہ بھارت کی پاکستان کے خلاف سرجیکل اسٹرائیک کے کامیاب ہونے کا ایک بھی ثبوت نہیں، حقیقت میں پاکستان نے نہ صرف بھارت کا جہاز گرایا بلکہ پائلٹ بھی گرفتار کیا، مودی ہر حادثے کو سیاسی فائدے کیلئے استعمال کرتے ہوئے نعشوں کی سیاست کرتا ہے۔
دفاعی ماہرین نے کہا کہ شواہد سے واضح ہے کہ پہلگام فالس فلیگ آپریشن بھارتی فوج کی ناکامی ہے، بھارت نے ہمیشہ ثبوت فراہم کرنے کی بجائے الزام تراشی کی سیاست کی، بھارت کا اپنی ناکامیوں کا اعتراف پاکستان کے موقف کی جیت ہے۔
