راولپنڈی: (دنیا نیوز) پاکستان نے فتح میزائل کی لانچ کوشہید پاکستانی بچوں کے نام کر دیا۔
پاکستانی بچوں کو بھارتی جارحیت میں شہید کیا گیا تھا، پاکستان شہید ہونے والے بچوں کو بھولا نہیں، پاکستان نے فتح میزائل کی لانچنگ شہید پاکستانی بچوں کے نام پر کردی ہے۔
واضح رہے کہ پاکستان نے آپریشن ’’بنیان مرصوص‘‘ کا آغاز کرتے ہوئے بھارتی جارحیت پر جوابی کارروائی شروع کردی ہے، سکیورٹی ذرائع کے مطابق اس وقت پاکستان کی جانب بھارت کے خلاف بھرپور جوابی کارروائی جاری ہے۔
ذرائع نے مزید بتایا تھا کہ اس وقت بھارت میں متعدد اہداف کو نشانہ بنایا جارہا ہے، پاکستان کے ڈرونز دن کے اجالے میں بھارت کے دارالحکومت دہلی میں پہنچ کر نیچے پروازیں کرتے رہے جس سے بھارتی سکیورٹی فورسز کے ہوش اڑ گئے تھے۔
