پشاور: (دنیا نیوز) پشاور ہائیکورٹ کے رجسٹرار نے مخصوص نشستوں سے متعلق تحریک انصاف کی درخواست اعتراض لگا کر واپس کر دی۔
رجسٹرار پشاور ہائیکورٹ کے مطابق سپریم کورٹ کے آئینی بنچ نے ہائیکورٹ کا مخصوص نشستوں سے متعلق فیصلہ برقرار رکھا، ہائیکورٹ کا فیصلہ اب سپریم کورٹ کے فیصلے میں ضم ہو چکا ہے۔
رجسٹرار کا کہنا تھا کہ مخصوص نشستوں سے متعلق درخواست اب قابل سماعت نہیں ہے لہٰذا اس کو واپس کیا جاتا ہے۔
واضح رہے کہ پی ٹی آئی کی درخواست میں پشاور ہائیکورٹ کا 25 مارچ 2024 کو مخصوص نشستوں کا فیصلہ کالعدم قرار دے کر پی ٹی آئی کو فریق بنانے کی استدعا کی گئی تھی۔
