پشاور: (دنیا نیوز) الیکشن کمیشن نے سینیٹ انتخابات کے مکمل نتائج جاری کر دیئے۔
الیکشن کمیشن کے مطابق مجموعی طور پر 143 ووٹ پول کئے گئے، خواتین کی نشست پر پی ٹی آئی کی روبینہ ناز نے 89 اور پیپلزپارٹی کی روبینہ خالد نے 52 ووٹ حاصل کئے، خواتین کی نشست پر عائشہ بانو اور ماہ وش علی خان کوئی ووٹ حاصل نہ کر سکیں۔
الیکشن کمیشن کے مطابق جنرل نشست پر پی ٹی آئی کے مراد سعید 26، فیصل جاوید 22 جبکہ مرزا آفریدی اور نور الحق قادری 21،21 ووٹ لے کر کامیاب قرار پائے، جنرل نشست پر جے یو آئی کے عطاء الحق اور ن لیگ کے نیاز احمد 18، 18 جبکہ پیپلز پارٹی کے طلحہ محمود 17 ووٹ لے کر کامیاب قرار پائے۔
الیکشن کمیشن نے بتایاکہ جنرل نشست پر آصف رفیق، اظہر قاضی مشوانی، خرم ذیشان، دلاور خان، شفقت ایاز، عرفان سلیم، فیض الرحمان اور وقاص اوکرزئی کوئی ووٹ حاصل نہ کرسکے، ٹیکنوکریٹ کی نشست پر اعظم سواتی 89 اور جے یو آئی کے دلاور خان 54 ووٹ لے کر کامیاب قرار پائے۔
خالد مسعود، ارشاد حسین، وقار احمد قاضی کوئی ووٹ حاصل نہ کر سکے۔
