اسلام آباد: (دنیا نیوز) مون سون بارشوں سے 26 جون تا 28 جولائی کے نقصانات کی تفصیلات جاری کر دی گئیں۔
رپورٹ کے مطابق گزشتہ 24 گھنٹے کے دوران مزید 2 بچے جاں بحق ہو گئے، مون سون بارشوں کے باعث ملک بھر میں مجموعی طور پر اب تک 281 افراد جاں بحق، 675 زخمی ہو چکے ہیں۔
ہلاک ہونے والوں میں 134 بچے، 97 مرد،50 خواتین شامل ہیں، پنجاب میں سب سے زیادہ 151 افراد جاں بحق، 535 زخمی ہوئے، خیبرپختونخوا میں 64 اموات، 79 زخمی ہوئے۔
رپورٹ کے مطابق سندھ میں 27 افراد جاں بحق، 40 زخمی، بلوچستان میں 20 اموات، 4 زخمی ہوئے، گلگت بلتستان میں 9 افراد جاں بحق، 4 زخمی ہوئے۔
آزاد کشمیر میں 2 اموات ، 10 زخمی جبکہ اسلام آباد میں 8 افراد جاں بحق جبکہ 3 زخمی ہوئے۔
مجموعی طور پر اب تک 1 ہزار 557 گھروں کو نقصان پہنچا، اب تک 372 مویشی پانی میں بہہ گئے، بارشوں سے ساڑھے 651 کلو میٹر سڑکوں اور 12 پلوں کو نقصان پہنچا۔
