غیرت کے نام پر قتل کے واقعات کی روک تھام کیلئے قانون سازی کی جائے گی: بلوچستان حکومت

کوئٹہ: (دنیا نیوز) بلوچستان حکومت کے ترجمان شاہد رند نے کہا ہے کہ غیرت کے نام پر قتل کے واقعات کی روک تھام کے لیے جو ممکن قانون سازی ہوگی وہ کی جائے گی۔

بلوچستان حکومت کے ترجمان شاہد رند نے اپنے بیان میں کہا ہے کہ کوئٹہ میں دہرے قتل کا کیس تفتیش کے مراحل میں ہے، کسی کو بھی قتل کرنے کی اجازت نہیں دی جاسکتی۔

انہوں نے مزید کہا ہے کہ ریاست ہمیشہ مظلوم کے ساتھ کھڑی ہو گی، حالیہ واقعے پر وزیرِ اعلیٰ بلوچستان نے واضح مؤقف اختیار کیا اور بہت سی جماعتوں سے بات چیت کی ہے۔