اسلام آباد: (دنیا نیوز) عوامی نیشنل پارٹی (اےاین پی) کے سربراہ ایمل ولی خان نے کہا ہے کہ پاکستان آفات کا ڈھیر بن چُکا ہے، ہر سال مون سون کے سیزن میں ہم سیلاب کی بات کر رہے ہوتے ہیں۔
سینیٹ اجلاس میں اظہارِ خیال کرتے ہوئے ایمل ولی خان نے کہا کہ اس سینیٹ کی کیا حیثیت ہے؟ سینیٹ میں اس کُرسی کی تذلیل ہے، تین گھنٹے سے اجلاس چل رہا ہے مگر اس وقت اس ہال میں کوئی ایک بھی وزیر موجود نہیں۔
ایمل ولی خان نے کہا کہ اتنے اہم موضوع پر یہاں کوئی موجود نہیں، این ڈی ایم اے اور پی ڈی ایم اے کا کیا کردار ہے؟ کیا این ڈی ایم اے صرف وزیر اعظم کو بریفنگ دینے کے لیے بنایا گیا ہے؟۔
سربراہ اے این پی نے کہا کہ جب آفات زیادہ ہوں تو حکمران اپنے گریبانوں میں دیکھ لیں، کلاؤڈ برسٹ ایک آفت ہے، ہم سالہا سال سیلابوں سے بچ نہیں پاتے تو اس ملک میں عوام کلاؤڈ برسٹ سے کیسے بچیں؟۔
