پاکستان
خلاصہ
- لاہور: (دنیا نیوز) پاکستان تحریک انصاف (پی ٹی آئی) کے بانی عمران خان کے بھانجے اور علیمہ خان کے بیٹے شاہریز کو انسداد دہشت گردی عدالت کی جانب سے درخواست ضمانت منظور کیے جانے کے بعد جیل سے رہا کردیا گیا۔
ذرائع کے مطابق انسداد دہشت گردی عدالت کی جانب سے ضمانت منظور کرنے کے احکامات کے بعد روبکار آج جمع کروائی گئی جس کے نتیجے میں شاہریز کو کوٹ لکھپت جیل سے رہا کیا گیا۔
واضح رہے کہ انسداد دہشت گردی عدالت لاہور کے جج منظر علی گل نے گزشتہ روز شاہریز کی درخواست ضمانت منظور کرتے ہوئے رہائی کا حکم دیا تھا۔
