لاہور: (دنیا نیوز) رہنما پی ٹی آئی اور سابق وزیر خارجہ شاہ محمود قریشی کی 9 مئی کے مقدمے میں بریت کو لاہور ہائیکورٹ میں چیلنج کر دیا گیا۔
پراسیکیوشن نے پی ٹی آئی رہنما کی بریت کے خلاف اپیل دائر کی ہے، جس میں مؤقف اختیار کیا گیا ہے کہ شاہ محمود قریشی کو ٹرائل کورٹ نے حقائق کے برعکس بری کیا ہے۔
دائر درخواست میں مؤقف اپنایا گیا ہے کہ ٹرائل کورٹ نے شاہ محمود قریشی کیخلاف حقائق کا درست جائزہ نہیں لیا۔
درخواست میں عدالت سے استدعا کی گئی کہ شاہ محمود قریشی کی بریت کو کالعدم قرار دیا جائے۔
