اسلام آباد: (دنیا نیوز) مسلم لیگ ن کے رہنما اور وفاقی وزیر اطلاعات عطا تارڑ نے کہا ہے کہ الیکشن کے بائیکاٹ کا ہمیشہ سیاسی طور پر نقصان ہوتا ہے۔
اسلام آباد میں میڈیا سے گفتگو کرتے ہوئے وفاقی وزیر اطلاعات عطا تارڑ نے کہا کہ دبئی ایئر شو میں بھارتی طیارہ گرنے کی تحقیقات ہونی چاہئیں، تحقیقات میں سامنے آجائے گا کہ ٹیکنیکل مسئلہ تھا یا نہیں، وزیراعظم کی قیادت میں معرکہ حق میں کامیابی حاصل کی۔
انہوں نے کہا کہ مریم نواز نے پنجاب میں اور شہباز شریف نے پورے ملک میں کام کیا، پوری دنیا شہباز سپیڈ کو مان رہی ہے، سیاست میں کوئی بائیکاٹ نہیں ہوتا، پی ٹی آئی نے اکثریتی حلقوں میں بائیکاٹ کیا۔
