اسلام آباد: (دنیا نیوز) آئندہ 24 گھنٹے موسم کیسا رہے گا؟ محکمہ موسمیات نے پیش گوئی کر دی۔
رپورٹ کے مطابق منگل کے روز ملک کے بیشتر علاقوں میں موسم سرد اور مطلع جزوی ابرآلود سے ابر آلود رہنے کا امکان ہے۔
محکمہ موسمیات کا کہنا ہے کہ بلوچستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کی توقع ہے۔
رپورٹ کے مطابق شام، رات میں خیبرپختونخوا، گلگت بلتستان، کشمیراور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش اور برفباری ہو سکتی ہے۔
محکمہ موسمیات کے مطابق شمال ، جنوبی پنجاب اور بالائی سندھ کے میدانی اضلاع میں صبح/ رات کے اوقات درمیانی سے شدید دھند کی توقع
رپورٹ کے مطابق آج ملک کے بیشتر علاقوں میں موسم سرد اورخشک جبکہ شمالی علاقوں میں شدید سرد رہا، اس دوران پنجاب اور بالائی سندھ میں درمیانی سے شدیددھند چھائی رہی۔
آج کم سے کم درجہ حرارت لہہ منفی07، گوپس منفی 05، سکردو منفی 03، قلات، پاراچنار، بگروٹ منفی 02، مالم جبہ میں منفی 01 ڈگری سینٹی گریڈ ریکارڈ کیا گیا۔
