لاہور: (دنیا نیوز) ملک کے مختلف شہروں میں موسمی خرابی کے باعث فلائٹ آپریشن متاثر ہونے لگا۔
فلائٹ شیڈول کے مطابق ملک بھر کی 8 پروازیں منسوخ کردی گئیں جبکہ 53 کی آمد و روانگی میں تاخیر ہوئی ہے۔
لاہور فلائٹ آپریشن متاثر ہونے کے سبب 4 پروازوں نے اسلام آباد لینڈنگ کی جبکہ اسلام آباد گلگت کی قومی ایئر لائن کی 4 پروازیں منسوخ کردی گئیں، لاہور ابوظبی کی غیرملکی ایئر کی 2، اسلام آباد سکھر کی بھی 2 پروازیں منسوخ کردی گئیں۔
جدہ لاہور کی 2 پروازوں کو اسلام آباد اتارا گیا جبکہ ابوظبی نجف سے لاہور کی پروازوں کی بھی اسلام آباد لینڈنگ ہوئی علاوہ ازیں اسلام آباد اور کراچی کی 14، 14 پروازوں کی آمد اور روانگی میں تاخیر ہوئی، لاہور کی 12 پروازوں کی آمد اور روانگی میں بھی تاخیر ہوئی۔
فلائٹ شیڈول کے مطابق پشاور ایئرپورٹ کی 8 جبکہ سیالکوٹ، ملتان، فیصل آباد کی 2، 2 پروازوں میں بھی تاخیر ہوئی۔
