اسلام آباد ہائیکورٹ کے جسٹس محمد اعظم خان نے مرکزی مسلم لیگ کی درخواست پر سماعت کی، درخواست گزار انعام الرحمن کمبوہ اپنے وکیل اشفاق احمد کھرل کے ساتھ عدالت میں پیش ہوئے۔

وکیل نے دلائل دیئے کہ لوکل گورنمنٹ آرڈیننس کا صدارتی آرڈیننس چیلنچ کیا ہے انتخابات کرانا الیکشن کمیشن کی اولین ترجیح ہونا چاہیے، شیڈول کا اعلان کیا گیا کاغذات بھی جمع ہوئے، تمام ریکوائرمنٹ پوری ہونے کے باوجود الیکشن ملتوی کر دیئے گئے۔

درخواستگزار وکیل نے کہا کہ اسلام آباد میں چوتھی مرتبہ بلدیاتی الیکشن ملتوی کیا گیا ہے، عدالت صدراتی آرڈیننس کالعدم قرار دے کر اسلام آباد میں بلدیاتی الیکشن کرانے کا حکم دے۔

عدالت نے وفاق اور الیکشن کمیشن سے جواب طلب کرتے ہوئے سماعت 27 جنوری تک ملتوی کر دی۔