وزیراعلیٰ مریم نواز شریف نے برہان وانی شہید کے خاندان کو سلام پیش کرتے ہوئے کہا کہ برہان وانی کی شہادت نے ثابت کیا کہ کشمیر کا بچہ بچہ آزادی کے جذبے سے سرشار ہے، پاکستان ہمیشہ کشمیری عوام کی آزادی کی جدوجہد کا مقدمہ دنیا بھر میں اجاگر کرتا رہے گا۔

انہوں نے کہا کہ اقوام متحدہ سمیت پوری عالمی برادری کی قانونی اور اخلاقی ذمہ داری ہے وہ کشمیریوں سے کیا گیا وعدہ پورا کرے۔

مریم نواز کا اپنے پیغام میں کہنا تھا کہ اللہ تعالیٰ سے دعا ہے کہ بھارتی مقبوضہ جموں و کشمیر کی آزادی کا سورج جلد طلوع ہو۔