جسٹس مرزا وقاص رؤف نے پی ٹی آئی رہنما میاں عثمان اکرم کی درخواست پر سماعت کی۔

دورانِ سماعت سرکاری وکیل نے عدالت کو بتایا کہ مینارِ پاکستان پر جلسے کی درخواست مسترد کر دی گئی ہے، پی ٹی آئی کے وکیل نے مؤقف اختیار کیا کہ جلسے کے لیے متبادل جگہ فراہم کر دی جائے، جس پر سرکاری وکیل نے کہا کہ پی ٹی آئی نے متبادل جگہ کے لیے کوئی درخواست دائر نہیں کی۔

عدالت نے سرکاری وکیل کو ہدایت کی کہ ڈپٹی کمشنر لاہور سے متبادل جگہ پر جلسے کی اجازت سے متعلق ہدایات لے کر آئندہ سماعت پر پیش ہوں۔