پاکستان
خلاصہ
- اسلام آباد: (دنیا نیوز) ترجمان دفتر خارجہ کے مطابق نائب وزیراعظم اسحاق ڈار نے لندن سے ازبکستان کے وزیر خارجہ بختیار سعیدوف سے ٹیلیفونک گفتگو کی۔
دونوں وزرائے خارجہ نے باہمی دلچسپی کے امور پر تبادلہ خیال کیا، کرغزستان میں ایس سی او سربراہان ریاست کی کونسل کے آئندہ اجلاس پر بھی گفتگو ہوئی۔
دونوں وزرائے خارجہ نے پاکستان اور ازبکستان کے درمیان قریبی اور برادرانہ تعلقات کی توثیق کی۔
اسحاق ڈار اور بختیار سعیدوف نے ایس سی او سربراہی اجلاس کے موقع پر ملاقات کرنے پر اتفاق کیا۔
