پاکستان
خلاصہ
- ہنگو: (دنیا نیوز)ضلع ہنگو میں امن و امان کی صورتحال کے پیش نظر دفعہ 144 نافذ کر دی گئی ہے، جس کے تحت ضلع بھر میں پانچ سے زائد افراد کے اجتماع اور عوامی مقامات پر غیر مجاز اجتماعات پر پابندی عائد کر دی گئی ہے۔
ڈپٹی کمشنر ہنگو بصیر علی رحمان خان کی جانب سے جاری اعلامیے کے مطابق دفعہ 144 کے تحت عائد پابندیوں کا اطلاق فوری طور پر ہوگا، جبکہ یہ پابندیاں 30 روز تک برقرار رہیں گی۔
اعلامیے میں کہا گیا ہے کہ امن و امان کی صورتحال کو مدنظر رکھتے ہوئے یہ اقدام اٹھایا گیا ہے تاکہ ضلع میں امن و امان برقرار رکھنے اور کسی بھی ناخوشگوار واقعے سے بچنے کے لیے ضروری اقدامات کیے جا سکیں۔
ضلعی انتظامیہ کا مزید کہنا تھا کہ پابندیوں کا اطلاق ضلع بھر میں ہوگا جب کہ عوامی مقامات پر غیر مجاز اجتماعات کی اجازت نہیں ہوگی۔
