محکمہ موسمیات کے مطابق صوبے کے شمالی اور وسطی اضلاع میں موسم شدید سرد جبکہ مطلع جزوی طور پر ابر آلود رہے گا۔

محکمہ موسمیات کا کہنا ہے کہ کوئٹہ میں کم سے کم درجہ حرارت صفر ڈگری سینٹی گریڈ جبکہ قلات میں منفی ایک ڈگری سینٹی گریڈ ریکارڈ جبکہ زیارت میں کم سے کم درجہ حرارت منفی دو اور ژوب میں دو ڈگری سینٹی گریڈ کیا گیا ہے۔

محکمہ موسمیات کے مطابق سبی میں کم سے کم درجہ حرارت سات اور تربت میں چودہ ڈگری سینٹی گریڈ ریکارڈ کیا گیا، اسی طرح نوکنڈی میں بارہ اور چمن میں چھ ڈگری سینٹی گریڈ کم سے کم درجہ حرارت رہا۔

ساحلی علاقوں کے حوالے سے محکمہ موسمیات نے بتایا کہ گوادر میں کم سے ک درجہ حرارت بارہ جبکہ جیوانی میں چودہ ڈگری سینٹی گریڈ ریکارڈ کیا گیا ہے۔

محکمہ موسمیات کے مطابق آئندہ چند روز کے دوران صوبے کے بیشتر علاقوں میں سرد اور خشک موسم برقرار رہنے کا امکان ہے۔