علاقائی
خلاصہ
- کراچی: (دنیا نیوز) شہر قائد میں تیز رفتار ڈالہ فٹ پاتھ سے ٹکرانے سے ایک نوجوان جاں بحق جبکہ اس کا ساتھی زخمی ہوگیا۔
حادثہ گلشن اقبال لیاری ایکسپریس وے پل کے اوپر تیز رفتار کے باعث پیش آیا، اطلاع پر امدادی ٹیمیں اور پولیس حکام بھی موقع پر پہنچ گئے، جاں بحق ہونے والے شخص کی لاش اورزخمی کو فوری طور پر عباسی شہید ہسپتال منتقل کر دیا گیا۔
پولیس حکام نے بتایا کہ جاں بحق ہونے والے شخص کی شناخت 25 سالہ حمزہ اور زخمی کی معاویہ کے نام سے ہوئی، ضروری کارروائی کے بعد جاں بحق ہونے والے حمزہ کی لاش کو ورثاء کے سپرد کردیا گیا۔
