قصور کے علاقہ کیلو سٹاپ ڈی او روڈ پر ملتان سے قصور آنے والی مسافر کوچ منی ٹرک سے ٹکرا گئی، حادثے کے نتیجے میں 6 افراد زخمی ہوئے جبکہ ایک شخص موقع پر دم توڑ گیا۔

حادثے کی اطلاع پر پولیس کی بھاری نفری اور امدادی ٹیمیں فوری طور پر موقع پر پہنچ گئیں، جاں بحق ہونے والے شخص کی لاش اور زخمیوں کو امدادی ٹیموں کی مدد سے ہسپتال منتقل کر دیا گیا۔

ریسکیو ذرائع نے بتایا کہ زخمیوں میں بعض کی حالت تشویشناک ہے، حادثہ مبینہ طور پر ڈرائیور کی غفلت اور تیز رفتاری کے باعث پیش آیا۔

پولیس حکام نے بتایا کہ ضروری کارروائی کے بعد جاں بحق ہونے والے شخص کی لاش کو ورثاء کے سپرد کردیا ہے جبکہ حادثے کی تحقیقات بھی شروع کردی گئی ہے۔