پیسکو ترجمان  کے مطابق زبردستی تمام فیڈرز چلانے سے بجلی کا نظام اوورلوڈ ہو گیا جس کے باعث بنوں گرڈ سٹیشن سے بجلی کی فراہمی معطل ہو گئی۔

ترجمان کا کہنا  تھا کہ بجلی کی سپلائی بند ہونے سے بنوں کے بیشتر علاقے تاریکی میں ڈوب گئے۔

 دوسری جانب پیسکو چیف کی ہدایت پر تکنیکی عملے نے گرڈ سٹیشن پر مرمتی کام شروع کر دیا  تاکہ بجلی کی فراہمی جلد بحال کی جا سکے۔

ترجمان پیسکو نے مزید بتایا کہ گرڈ سٹیشن پر زبردستی فیڈرز چالو کرانے کے واقعے پر ایم پی اے ملک راحت کے خلاف قانونی کارروائی شروع کر دی گئی ہے۔