تازہ ترین
  • بریکنگ :- دونوں خوراکیں نہ لگوانےوالوں کوبھی بیماری لگنےکازیادہ خدشہ ہے،عالمی ادارہ صحت
  • بریکنگ :- ویکسین کی ایک خوراک لگوانےوالےکمزورافرادسفرسےگریزکریں،عالمی ادارہ صحت
  • بریکنگ :- کوروناویکسین کی دونوں خوراکیں لگواناضروری ہیں،عالمی ادارہ صحت

ومبلڈن ٹینس کوارٹر فائنل، راجر فیڈرر کو غیر معروف کھلاڑی نے شکست دیدی

Published On 08 July,2021 06:34 pm

لندن: (دنیا نیوز) ومبلڈن ٹینس چیمپئن شپ میں ایک اور اپ سیٹ سامنے آیا ہے۔ غیر معروف پولش کھلاڑی ہبرٹ ہرکاز نے ریکارڈ ہولڈر راجر فیڈرر کو شکست دے دی، کوارٹر فائنل تین صفر سے جیت کر سب کو حیران کر دیا۔

تفصیل کے مطابق ومبلڈن ٹینس ٹورنامنٹ میں سوئس کھلاڑی راجر فیڈرر شکست کے بعد سیمی فائنل کی دوڑ سے باہر ہو گئے ہیں۔

20 گرینڈ سلم ٹائٹل اپنے نام کرنے والے راجر فیڈرر کو پولش کھلاڑی ہبرٹ ہرکاز اپ سیٹ شکست سے دوچار کیا۔

ہوبرٹ ہورکاز نے سٹریٹ سیٹس میں 6-3، 7-6، اور 6-0 سے کامیابی اپنے نام کی۔ دوسری جانب ٹاپ سیڈ نوواک جوکووچ ومبلڈن ٹینس ٹورنامنٹ کے سیمی فائنل میں پہنچ چکے ہیں۔

نوواک جوکوچ نے کوارٹر فائنل میں ہنگرین کھلاڑی مارٹون فوچووچ کو سٹریٹ سیٹ میں شکست دی۔ سربین ٹینس سٹار کی فتح کا سکور 6-3، 6-4، اور 6-4 رہا۔