تازہ ترین
  • بریکنگ :- پاکستان میں اچھی گورننس کی ضرورت ہے، مصطفیٰ کمال
  • بریکنگ :- بری گورننس سکیورٹی رسک پیداکررہی ہے،مصطفیٰ کمال
  • بریکنگ :- شہرقائدمیں روزانہ اربوں روپےکاپانی چوری ہوتاہے،مصطفیٰ کمال
  • بریکنگ :- شہرقائدمیں غریب اورامیردونوں پانی خریدکراستعمال کررہےہیں،مصطفیٰ کمال
  • بریکنگ :- مہنگائی میں ہوشربااضافہ ہوگیاہے،چیئرمین پی ایس پی مصطفیٰ کمال
  • بریکنگ :- اوگراایک روپیہ 35 پیسےپٹرول کی قیمت بڑھانےکی سفارش کرتاہے،مصطفیٰ کمال
  • بریکنگ :- وزیراعظم صاحب پٹرول کی قیمت میں 5 روپےاضافہ کردیتےہیں،مصطفیٰ کمال
  • بریکنگ :- سندھ میں 29ہزارروپےمیں اسکول کاایک ڈیسک تیارکیاگیا،مصطفیٰ کمال
  • بریکنگ :- 10اکتوبرکولیاقت آباد میں احتجاجی جلسہ ہوگا،مصطفیٰ کمال

سابق ہاکی اولمپئن نوید عالم کینسر کے باعث خالق حقیقی سے جا ملے

Published On 13 July,2021 01:20 pm

لاہور: (دنیا نیوز) سابق ہاکی اولمپئن نوید عالم خالق حقیقی سے جا ملے، وہ کینسر کے مرض میں مبتلا تھے۔

سابق ہاکی کوچ نوید عالم کچھ عرصے سے شدید علیل تھے، بلڈ کینسر کا مرض تشخیص ہونے کے بعد سے لاہور کے شوکت خانم کینسر ہسپتال میں زیر علاج تھے تاہم وہ جانبر نہ ہو سکے۔ 47 سالہ سابق اولمپئن کے علاج کے اخراجات کا تخمینہ 40 لاکھ روپے لگایا گیا تھا، پنجاب اور سندھ کی حکومتوں نے ان کے علاج کی ذمہ داری اٹھا رکھی تھی۔

فل بیک پوزیشن کے مایہ ناز کھلاڑی نوید عالم ورلڈکپ 1994 کے کم عمر ترین گولڈ میڈلسٹ تھے، پرائیڈ آف پرفامنس کا اعزاز پایا۔ نوید عالم نے اولمپکس 1996، ایشین گیمز اور ورلڈکپ 1994 اور درجنوں قومی و بین الاقوامی ایونٹس میں پاکستان کی نمائندگی کی، وہ بطور کوچ ، ڈائریکٹر سمیت مختلف عہدوں پر بھی خدمات انجام دیتے رہے۔

ماضی کے عظیم ہیرو کے انتقال پر وزیر اعلیٰ پنجاب سردار عثمان بزدار نے گہرے غم کا اظہار کیا، پاکستان ہاکی فیڈریشن کے صدر سجاد کھوکھر سمیت اولمپئنز نے بھی تعزیت کا اظہار کیا۔