لاہور: (دنیا نیوز) پاکستانی نژاد ریٹائرڈ برطانوی باکسر عامر خان کا کہنا ہے کہ لاہور میں انٹرنیشنل باکسنگ دیکھ کر بہت خوشی ہورہی ہے، پاکستان میں باکسنگ کا مستقبل روشن دیکھ رہا ہوں۔
لاہور میں میڈیا سے گفتگو کرتے ہوئے انہوں نے کہا کہ لاہور میں انٹرنیشنل باکسنگ ہو رہی ہے، یہ ایونٹ دیکھ کر بہت اچھا لگ رہا ہے، پنجاب حکومت نے بھی ایونٹ سجانے میں اہم کردار ادا کیا ہے۔
انہوں نے کہا کہ محمد وسیم بہترین فائٹر ہیں، ان کے لیے تھائی لینڈ کے باکسر کے ساتھ فائٹ ایک چیلنج ہے، وہ اس فائٹ میں فیورٹ ہیں، محمد وسیم نے ٹریننگ میں بہت محنت کی ہے، ان کے پاس اسپیڈ اور پاور ہے، وسیم کے لیے کل کی فائٹ بہت آسان ہے۔
باکسر عامر خان نے کہا کہ ورلڈ باکسنگ ایسوسی ایشن اچھا ٹائٹل ہے، میں نے 2008ء میں جیتا تھا، پاکستان کھیلوں میں دن بدن ترقی کر رہا ہے، باکسنگ بھی پاکستان میں فروغ پا رہی ہے ۔
