لاہور: (دنیا نیوز) دوسری انٹرنیشنل باکسنگ چیمپئن شپ کے تیسرے روز پاکستانی نژاد برطانوی باکسر ساحر اقبال نے اپنی فائٹ جیت لی۔
تیسرے روز کی پہلی فائٹ میں پاکستانی نژاد برطانوی باکسر ساحر اقبال نے بنگلادیشی باکسر کو ناک آؤٹ کیا، ساحر اقبال نے عمر فاروق کو پہلے راؤنڈ میں ناک آؤٹ کیا، انگلینڈ کے میسٹیا ڈیز نے ساؤتھ لائٹ ہیوی ویٹ کیٹیگری میں نائیجیریا کے باکسر کو ہرا کر فائٹ اپنے نام کی۔
تیسری فائٹ برطانوی باکسر جیمز میٹکالف کے نام رہی، جیمز میٹکالف نے ڈومنیکا کے جیولو ڈی جیسس کو تیسرے راؤنڈ میں ناک آؤٹ کیا، جبکہ ارجنٹائن کے باکسر البرٹو پلمیٹا نے فلپائنی باکسر کو شکست سے دوچار کیا۔
چیئرمین پی سی بی محسن نقوی اور پاکستانی نژاد برطانوی باکسر عامر خان نے بھی مقابلے دیکھے، پاکستانی باکسر محمد وسیم کا مقابلہ آج تھائی لینڈ کے باکسر سے ہوگا۔
