شائقین کرکٹ کے ساتھ ساتھ سیاست دان بھی پاک بھارت ٹاکرے کیلئے پُر جوش ہیں۔

سینئر سیاستدان مشاہد حسین سید نے کہا ہے کہ نیک خواہشات قومی ٹیم کے ساتھ ہیں، اب چیزین بہتر ہوئی ہیں، ہار جیت کھیل کا حصہ ہے۔

وفاقی وزیر اطلاعات عطاء تارڑ کا کہنا تھا کہ قومی ٹیم میں بڑی صلاحیت ہے، کھلاڑی بہترین پرفارمنس دے سکتے ہیں، اچھی گیم کے لئے پُر جوش ہیں، دعا ہے کرکٹ ٹیم فتح کے جھنڈے سری لنکا میں گاڑے۔

اس کے علاوہ سپیکر پنجاب اسمبلی ملک احمد خان نے بھی قومی ٹیم کیلئے نیک تمناؤں کا اظہار کیا ہے۔

سپیکر پنجاب اسمبلی کا کہنا تھا کہ کھیل میں بہتر کارکردگی دکھانے والا ہی جیتتنا ہے، جذباتی طور پر چاہتے ہیں پاکستان ہمیشہ کامیاب ہو، خواہش ہے قومی ٹیم بہترین کھیل پیش کرتے ہوئے فتح اپنے نام کرے۔

انہوں نے کہا کہ کھیل کو سیاست سے الگ رکھنا چاہیے، سپورٹس مین سپرٹ کو فروغ دینا وقت کی اہم ضرورت ہے۔