اماراتی خبر رساں ادارے وام کے مطابق اجلاس میں کھیل کے مستقبل، بین الاقوامی ترقی اور مختلف تنظیمی امور کا جائزہ لیا گیا، عالمی کانگریس میں جیو جِتسو کی بین الاقوامی حیثیت مستحکم بنانے اور اولمپک تحریک میں اس کھیل کی شناخت حاصل کرنے کیلئے جاری کوششوں کو مزید آگے بڑھانے پر اتفاق کیا گیا۔

اس موقع پر عالمی فیڈریشن کے انتظامی ڈھانچے کو بہتر بنانے اور تنظیمی اصلاحات سے متعلق امور بھی زیرِ بحث آئے۔

کانگریس کے دوران 2027ء کیلئے اینٹی ڈوپنگ قواعد کی توثیق بھی کی گئی۔ ان قواعد کا مقصد کھیل میں شفافیت برقرار رکھنے، منصفانہ مقابلوں کو یقینی بنانے اور بین الاقوامی ضوابط کی پابندی کو فروغ دینا ہے۔

اجلاس میں کھلاڑیوں کیلئے منظم اور شفاف مسابقتی ماحول کی فراہمی اور جیو جِتسو کے عالمی معیار کو مزید بہتر بنانے کی اہمیت پر بھی زور دیا گیا۔

ابوظہبی میں ہونے والی اس کانگریس کے فیصلوں کو کھیل کے بین الاقوامی فروغ اور مستقبل کی تنظیمی حکمت عملی کے حوالے سے اہم پیش رفت قرار دیا جا رہا ہے۔

اولمپک شناخت کے حصول کیلئے کوششوں، انتظامی اصلاحات اور اینٹی ڈوپنگ قواعد کی منظوری کے ذریعے جیو جِتسو کو عالمی سطح پر مزید منظم اور مستحکم بنانے کی سمت اقدامات کیے گئے ہیں۔