تازہ ترین
  • بریکنگ :- پاک آرمی کی چولستان کےدورافتادہ علاقوں میں مفت طبی سہولتیں،آئی ایس پی آر
  • بریکنگ :- منصوبےکوعملی جامہ پہنانے کیلئے پاک آرمی کی خصوصی ٹیمیں تشکیل،آئی ایس پی آر
  • بریکنگ :- ضلعی انتظامیہ کےساتھ طبی سہولتوں کی فراہمی کیلئےسرگرم ہیں،آئی ایس پی آر
  • بریکنگ :- 2021 میں چنن پیر،کھتری بنگلہ،دین گڑھ میں میڈیکل اورآئی کیمپ کاانعقادکیاگیا
  • بریکنگ :- چاہ ناگراں،چاہ ملکانہ میں میڈیکل اورآئی کیمپ کا انعقادکیاجاچکاہے،آئی ایس پی آر
  • بریکنگ :- 12 ہزارافراد کوفری طبی سہولیات مہیا کی جا چکی ہیں،آئی ایس پی آر
  • بریکنگ :- تحصیل اسپتال فورٹ عباس میں فری میڈیکل کیمپ 12سے 17 اکتوبرتک جاری ہے
  • بریکنگ :- 15 اکتوبر 2021کوکورکمانڈر بہاولپورنےآئی کیمپ کا دورہ کیا،آئی ایس پی آر
  • بریکنگ :- کورکمانڈربہاولپورنےکیمپوں میں دی گئی سہولتوں کاجائزہ لیا،آئی ایس پی آر
  • بریکنگ :- کورکمانڈرنےہدایت کی کہ زیادہ ترمریضوں کوطبی سہولتیں دی جائیں،آئی ایس پی آر

گوگل اور فیس بک نے تمام ملازمین کو کورونا ویکسین لگوانے کی ہدایت کردی

Published On 30 July,2021 08:35 pm

کیلیفورنیا: (ویب ڈیسک) امریکا کی بڑی ٹیکنالوجی کمپنیوں گوگل اور فیس بک نے اپنے تمام ملازمین کو کورونا سے بچاؤ کے حفاظتی ٹیکے لگانے کی ہدایت جاری کرتے ہوئے کہا ہے کہ صرف ویکسینیشن کروانے والوں کو ہی دفاتر میں داخلے کی اجازت ہوگی۔

امریکی میڈیا کے مطابق ٹیکنالوجی کمپنیوں کی جانب سے یہ فیصلہ ملک بھر میں کورونا کی انتہائی خطرناک قسم ڈیلٹا کے پھیلاؤ کی وجہ سے کیا گیا ہے۔ اس سلسلے میں تمام ملازمین کو جاری کئے گئے ہدایت نامے میں کہا گیا ہے کہ وہ سب جلد از جلد اپنی ویکسینیشن کروا لیں۔

رپورٹس ہیں کہ گوگل اپنی ویکسی نیشن مہم کو دوسرے ملکوں میں بھی بڑھانے کی منصوبہ بندی کر رہا ہے۔

اس کے علاوہ نیٹ فلکس نے بھی ویکسین لگانے کی پالیسی پر عملدرآمد کیا ہے۔ ایپل کمپنی کے بارے میں کہا جا رہا ہے کہ وہ ماسک پہننے کی پالیسی کو بحال کرنے کا ارادہ رکھتی ہے۔

ادھر مائیکروسافٹ اور اوبر سمیت متعدد کمپنیوں کی جانب سے توقع ظاہر کی جا رہی ہے کہ لاک ڈاؤن ختم ہونے کے بعد ملازمین اپنے دفتروں میں واپس آ جائیں گے۔

گوگل کی جانب سے ایک اعلامیے میں کہا گیا ہے کہ ڈیلٹا کے پھیلاؤ کے پیش نظر 18 اکتوبر تک گھر سے کام کرنے کی پالیسی برقرار رکھی جائے گی۔