ٹیکنالوجی
خلاصہ
- اسلام آباد :(ویب ڈیسک ) وزیر مملکت برائے آئی ٹی و ٹیلی کمیونیکیشن شزہ فاطمہ کا کہنا ہے کہ فائروال سے سوشل میڈیامواد پر قابوپانا مفروضے ہیں، بلاوجہ چیزوں کومتنازعہ بنایا جاتا ہے،تمام سوشل میڈیاکھلا ہے۔
پارلیمنٹ ہاؤس میں صحافیوں گفتگو میں کہا ٹویٹر کو بھی دیگر سوشل میڈیا پلیٹ فارمز کی طرح پاکستانی قوانین کی پابندی کرنا ہوگی۔ حکومت کو زبان بندی کرنا ہوتی تو ٹویٹر کے بجائے ٹک ٹاک اور فیس بک بند کرتی۔
شزہ فاطمہ مزید کہا کہ ٹوئٹرکی جانب سے پاکستانی قوانین پرعملدرآمد نہ کرنا ایشو ہے۔ ٹک ٹاک مقامی قوانین پر 95 فیصد عملدرآمد کرتا ہے، فیس بک مقامی قوانین پرعملدرآمد کرتی ہے ٹوئیٹر کوبھی کرنا ہوگا۔
دوسری جانب وزیرمملکت شزہ فاطمہ نے فائروال کی تنصیب کے سوال کا واضح جواب دینے سے گریز کیا۔
