رپورٹ کے مطابق نئے فیچر سے صارفین کی پرائیویسی کو تحفظ ملے گا، اور وہ یہ چیک کرسکیں گے کن افراد کے ساتھ ان کا سٹیٹس شیئر ہوگا اور کیا پوسٹ ری شیئر ہوسکتی ہے یا نہیں، یہ فیچر ان افراد کیلئے کارآمد ثابت ہوگا جو ہر سٹیٹس کو پوسٹ کرنے سے قبل پرائیویسی سیٹنگز کو بدلتے ہیں۔

رپورٹ کے مطابق یہ نیا فیچر سٹیٹس مینیو میں موجود ہے، جب مینیو کو اوپن کیا جاتا ہے تو وہاں آڈینس نامی نیا آپشن نظر آئے گا، اس پر کلک کرکے آپ پرائیویسی سیٹنگ کو سیٹ کرسکتے ہیں، اس آپشن میں مائی کانٹیکٹس، اونلی شیئر وِد اور ایکسیپٹ کے آپشنز میں سے کسی ایک کو سلیکٹ کیا جاسکتا ہے۔

واٹس ایپ کی جانب سے مخصوص کانٹیکٹس کو ایڈ یا خارج کرنے کی سہولت بھی فراہم کی جائے گی، یہ آپشن ابھی بیٹا ورژن میں سامنے آیا ہے، چنانچہ یہ کہنا مشکل ہے کہ اسے کب تک تمام صارفین کیلئے متعارف کروایا جاسکتا ہے۔